Gjermania shënon një tjetër rekord infektimesh

( Jan Woitas/dpa via AP)

Gjermania regjistroi një tjetër rekord prej 263,7 rastesh të konfirmuara të koronavirusit për 100 000 njerëz, raportoi instituti zyrtar ”Robert Koch” (RKI).

Ajo shënoi ditën e pestë radhazi që Gjermania vendosi një rekord të ri për incidencën shtatëditore.

Shifra e së premtes u rrit nga 249,1 të enjten dhe 169,9 një javë më parë, transmeton Dpa, përcjell Albinfo.ch.

”Autoritetet shëndetësore gjermane raportuan 48 640 infeksione të reja brenda një dite”, sipas të dhënave të fundit të panelit të kontrollit të RKI-së.

Kjo ishte e dyta më e larta që nga fillimi i pandemisë, pas rekordit të së enjtes prej 50 196 rastesh të reja.

Sipas numrave të premten, 191 vdekje të lidhura me Covid-19 u regjistruan në gjithë Gjermaninë brenda 24 orëve.

RKI ka numëruar 4 942 890 infeksione koronavirus në Gjermani që nga fillimi i pandemisë.

Totali aktual ka të ngjarë të jetë dukshëm më i lartë, pasi shumë infeksione mbeten të pazbuluara.