Gjermania regjistron shkallën më të lartë të infektimeve me Covid

(KEYSTONE/DPA/Kay Nietfeld)

Shkalla e infektimit me koronavirus në Gjermani është rritur në nivelin më të lartë, prej shpërthimit të pandemisë, transmeton albinfo.ch.

Sipas Institutit Robert Koch, javën e kaluar janë infektuar 303 persona për 100,000 banorë.

Numri total i viktimave është rritur për 43 brenda 24 orëve, duke prekur totalin e 97,715 personave.

Tri partitë që synojnë të formojnë koalicionin planifikojnë të ashpërsojnë masat për të luftuar përhapjen e një vale të re të infektimeve, ka thënë bashkudhëheqësi i Partisë së Gjelbër, Robert Habeck.

“Ne do të zgjerojmë kufizimet në krahasim me propozimet që kemi bërë në fillim”, ka thënë ai për transmetuesin ARD.

Të shtunën tre ministra të landeve gjermane u kanë bërë thirrje partive që po negociojnë për qeverinë e re që landeve t’u zgjatet periudha kur mund të marrin vendime të ashpra për pandeminë, siç janë izolimet apo mbylljet e shkollave.