Gjermania nis magazinimin e gazit

Furnizimi me gaz në objektet gjermane të magazinimit u rrit paksa për herë të parë në katër javë, me gjasë për shkak të motit të butë të kohëve të fundit.

Objektet e magazinimit ishin plot 87.3 për qind të mërkurën vonë, 0.1 pikë përqindjeje më e lartë se një ditë më parë, sipas Gas Infrastructure Europe.

Ndërsa importet kanë mbetur të rregullta, konsumi është ulur, transmeton dpa, përcjell albinfo.ch.

Temperatura mesatare ishte 5.4 gradë Celsius të martën dhe 6.2 gradë Celsius të mërkurën, sipas shërbimit meteorologjik gjerman.

Shoqata e operatorëve gjermanë të depozitimit të hidrogjenit dhe gazit, INES, raporton se ”kërkesa për gaz rritet në temperatura mesatare prej 6 gradë Celsius ose më të ulëta, duke sugjeruar se moti i ngrohtë i dimrit kohët e fundit ka kontribuar në rritjen e magazinimit”.