Lajme
Gjermania, nga 7 qershori, heq kufizimet në vaksinim
Duke folur në një konferencë për media në Berlin, Spahn tha se sistemi aktual i vaksinimit, që u jep përparësi grupeve më të cenueshme, nuk do të vlejë më.
Ministri i Shëndetësisë i Gjermanisë, Jens Spahn, tha se vendi i tij, nga data 7 qershor, do të hapë vaksinimin kundër koronavirusit për të gjithë.
Duke folur në një konferencë për media në Berlin, Spahn tha se sistemi aktual i vaksinimit, që u jep përparësi grupeve më të cenueshme, nuk do të vlejë më.
“Kjo nuk do të thotë se secili do të sigurojë termin brenda ditësh, por secili që dëshiron të vaksinohet, do të ketë mundësi”, tha Spahn.
Ai tha se fushata e vaksinimit në Gjermani ka marrë hov javëve të fundit dhe se, deri në fund të majit, rreth 40 për qind e popullsisë gjermane do të jetë e vaksinuar me së paku një dozë.
Spahn tha se 70 për qind e personave mbi 60 vjeç kanë marrë një dozë të vaksinës, ndërsa një e katërta e tyre janë vaksinuar plotësisht, transmeton Rel, përcjell Albinfo.ch.
Në total, në Gjermani – vendin me 83 milionë banorë – janë dhënë 40 milionë doza vaksinash dhe nëntë milionë njerëz janë të vaksinuar plotësisht.
Gjermania përdor tri vaksina të miratuara nga Agjencia Evropiane e Barnave: Pfizer/BioNTech, Moderna dhe AstraZeneca.
Të tria këto vaksina duhet të jepen me dy doza, për të pasur efektin maksimal.
Sipas të dhënave të Universitetit Johns Hopkins, Gjermania ka regjistruar mbi 3.6 milionë raste me koronavirus dhe mi 86,000 viktima.
E-Diaspora
-
Edhe këtë vit panairi “Gjergj Kastrioti Skënderbeu“ bashkoi shqiptarët e Amerikës Panairi më në zë te shqiptarët “Gjergji, Heroi Kombëtar”, gjithmonë i ka bërë bashkë shqiptarët, përcjell...
-
CIES: Xhaka, lojtar me ndikim, vlerësohet me 92.3 pikë
-
Xhaka e Gjimshiti, në ekipin më të mirë të Ligës së Evropës
-
Prokuroria zvicerane kërkon 16 vjet burg për Arditin që vrau gruan e tij, Besimen
-
Me plis e me flamur kombëtar, preshevari diplomon në SHBA
Jeta në Austri
-
Çfarë duhet të dini për kontratat kolektive nëse punoni në Austri? Nëse punoni në Austri – ose po kërkoni punë këtu – me siguri do të keni...
-
Çfarë ndryshon në Austri nga muaji qershor?
-
Avdijaj, më i miri i xhiros së fundit në Austri
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë