Gjermania heq këto kantone zvicerane nga lista e rrezikut

Kantonet: Aargau, Basel-Stadt, Basel-Land, Graubünden, Solothurn, Ticino, Zug dhe Cyrih, nga e diela nuk konsiderohen më zona me rrezik

Të gjithë ata që kanë planifikuar t`i bëjnë pushime në Gjermani mund t`i gëzohen këtij lajmi- të paktën nëse vijnë nga kantoni “i duhur”: Qeveria Federale Gjermane ka vendosur të heqë disa kantone zvicerane nga lista e rrezikut, raporton srf.ch.

Kështu, nga e diela (pasnesër) kantonet si: Aargau, Basel-Stadt, Basel-Land, Graubünden, Solothurn, Ticino, Zug dhe Cyrih nuk konsiderohen më zona me rrezik, transmeton albinfo.ch. Sidoqoftë, kantonet tjera zvicerane mbeten në listë.

Kufizimet e hyrjes në Gjermani do të lehtësohen gjithashtu edhe për Italinë, Republikën Çeke dhe pjesë të mëdha të Austrisë. Kushdo që vjen në Gjermani nga këto zona përmes rrugës tokësore nuk do të kenë asnjë kufizim për hyrje, në të ardhmen.

Vetëm pasagjerët ajrorë duhet të tregojnë testin negativ gjatë hyrjes në Gjermani. Vendet ose zonat me një incidencë 7-ditore mbi 50 konsiderohen nga Gjermania si zona me rrezik.

---