Gjermani: Vendet turistike të Kosovës prezantohen në mesin e 180 vendeve të botës

Kosova në në Panairin Ndërkombëtar të Turizmit “ITB Berlin”

Kosova është vend turistik dhe ksisoj potencialet turistike të saj po prezantohen në mesin e mbi 180 vendeve pjesëmarrëse në Panairin Ndërkombëtar të Turizmit “ITB Berlin” që po mbahet nga data 07 mars 2023 në Berlin të Gjermanisë, shkruan albinfo.ch.

Në këtë panair shtatë operatorë turistikë dhe agjenci turistike nga vendi ynë: Kosovo Holiday, Balkan Natural Adventure, Euro Koha, Fibula Travel, Balkan Destination, Outdoor Kosovo dhe Fluturime, janë duke prezantuar ofertat e tyre turistike si dhe mundësitë që ofron Kosova në përgjithësi në fushën e turizmit.

Kosova në këtë panair ka një shtand me hapësirë prej 36m2, i cili gjendet në pavijonin 1.2,  në stendën numër 211, që është siguruar nga MINT, përkatësisht KIESA.

Shtandi i Kosovës po vizitohet nga pjesëmarrës të shumtë në këtë panair.

Panairi është i hapur nga data 07 – 09 mars 2023.

---