Gjermani: Nxirret nga trafiku kamioni i stërngarkuar nga Shqipëria

Nga Shqipëria në Berlin: Policia nxjerr jashtë trafikut transportuesin e mobiljeve plotësisht të mbingarkuar në autostradën A9

Të enjten (13 mars), oficerët e skuadrës së policisë së trafikut të Bayreuth ndaluan një kamion të vogël 3.5 ton me regjistrim shqiptar. Që në shikim të parë ishte e qartë se automjeti ishte shumë i mbingarkuar, transmeton albinfo.ch. Ajo që më pas panë oficerët hyn në listën e kontrolleve më spektakolare!

Kamioni që transportonte mobilje nga Shqipëria në Berlin është kontrolluar dhe peshuar pas ndalimit – me një rezultat tronditës: mjeti peshonte 6360 kilogramë, që i përgjigjej një mbingarkesë prej 81.1 për qind.

Automjeti kishte dy goma në boshtin e pasmë që ishin të shfryra, raporton tvo.de. Gjatë kontrollit, efektivët zbuluan edhe susta të presuara që ishin drejtuar lart. “Diçka e tillë nuk shihet shumë shpesh” , thotë njëri ndër pjesëmarrësit në kontroll, nga policia e autostradës Bayreuth.

Zyrtarët më pas i ndaluan udhëtimin e mëtejshëm kamionit në fjalë. Shoferi duhej të paguante një depozitë sigurie prej 470 euro në vend.

Por jo vetëm shoferi, tani edhe kompania përgjegjëse e transportit duhet të marrë përgjegjësinë. Për shkak të mbingarkesës së madhe, kompania ka “kursyer” dy udhëtime të tëra – që është një shkelje e qartë e rregulloreve. Kështu, kanë filluar procedurat e rikuperimit të aseteve kundër kompanisë.

Në bazë të itinerarit, mbipeshës së kamionit dhe vendit të origjinës së kompanisë së transportit, ajo duhet të gjobitet me rreth 1300 euro. Kjo shumë  arkëtohet drejtpërdrejt nga dogana, edhe pse përvoja ka treguar se norma e pagesës është e lartë.

(Foto: Ilustrim)

---