Gjermani: Kërkohen sanksione për ish-kancelarin Schroder

Kërkesa vjen për shkak të lidhjeve të tij të ngushta dhe mbrojtjen e presidentit rus Vladimir Putin, që nga koha kur Moska filloi agresionin kundër Ukrainës.

Politikanë të të gjithë spektrit politik gjerman duan që ish-kancelari Gerhard Schroder t’u nënshtrohet sanksioneve për shkak të lidhjeve të tij të ngushta dhe mbrojtjen e presidentit rus Vladimir Putin që nga koha kur Moska filloi agresionin kundër Ukrainës.

Schroder, i cili ka qenë kancelar i Gjermanisë që nga viti 1998 deri në vitin 2005, kryeson bordin mbikëqyrës të gjigantit shtetëror rus të energjisë ”Rosneft” si edhe komitetin e aksionerëve të kompanisë së gazsjellësit ”Nord Stream”.

Ai nuk bëri asnjë kritikë ndaj Putinit pas pushtimit të Ukrainës nga vendi i tij.
”Schroder i përket listës së sanksioneve të përfituesve të Putinit”, theksoi Moritz Korner, një anëtar kryesor i partisë FDP, pro biznesit, për gazetën ”Handelsblatt”.

”Ish-kancelari është njeriu më i rëndësishëm i Putinit në Gjermani”, theksoi ai.

”Fakti që Schroder ende nuk largohet nga Putini dhe Rusia vetëm tregon se sa thellë është  përfshirë ai në shërbim të Putinit”, shtoi ai.

---