Arrestohet shqiptarja, ka rrëmbyer fëmijën e saj nga ish bashkëshorti

Disa përpjekje për ta sjellë fëmijën në Belgjikë për të jetuar me babain që ka kujdestarinë mbi të deri më tani kishin qenë të pasuksesshme

Më 24 mars 2025, hetuesit e Policisë Federale të Gjermanisë kanë arrestuar një 25-vjeçare shqiptare në aeroportin e Frankfurtit. Arrestimi u bë pas një shpalljeje në kërkim nga Belgjika, ku nëna kërkohej nga policia për rrëmbim të një fëmije, transmeton albinfo.ch.

E kërkuara akuzohet se në verën e vitit 2022 ka marrë të birin nga babai i tij, gjegjësisht nga ish-bashkëshorti i saj. Atij (bashkëshortit) i ishte dhënë e drejta e kujdestarisë si i vetëm mbi fëmijën, nga një gjykatë familjare belge, shkruan presseportal.de.

Disa përpjekje për ta sjellë fëmijën në Belgjikë për të jetuar me babain që ka kujdestarinë mbi të, deri më tani kishin qenë të pasuksesshme, transmeton albinfo.ch. Gruaja kishte udhëtuar më parë nga Zagrebi/Kroaci nëpërmjet aeroportit të Frankfurtit dhe synonte të vazhdonte për në Tiranë/Shqipëri.

Pasi gruaja u arrestua përkohësisht nga policët në aeroportin e Frankfurtit, ajo do të sillet para gjykatës përgjegjëse më 25 mars.

---