Gjermanët s’i përballojnë pushimet dimërore këtë vit  

Më pak gjermanë mund të shkojnë në vendpushimet e skive dhe destinacionet e tjera të njohura të pushimeve dimërore në muajt e ardhshëm.

Kjo sepse ata duhet të kursejnë para pas rritjes së kostos së jetesës, tregon një sondazh.

Pothuajse gjysma e qytetarëve gjermanë që zakonisht shkojnë me pushime në dimër do të anashkalojnë udhëtimin ose do të gjejnë një opsion më të lirë këtë vit për shkak të rritjes së çmimeve.

Rreth 23 për qind e të anketuarve thanë se do të “anulonin” planet e tyre të pushimeve dhe 26 për qind e tyre do të hiqnin dorë nga udhëtimet.

Inflacioni i lartë pritet të dërgojë ekonominë gjermane në recesion në tremujorët e ardhshëm. Në shtator, çmimet e konsumit u rritën me 10 për qind.