Gjenevë, sot takimi Biden-Putin

Në qytetin e Zvicrës, Gjenevë, do të mbahet samiti dypalëshe i presidenteve të SHBA-së dhe Rusisë

Është bërë e ditur se presidenti amerikan, Joe Biden, do të takohet sot në Gjenevë me presidentin rus, Vladimir Putin. Samiti dypalësh vjen disa ditë pasi Biden i referohej Putinit si një “një kundërshtar i denjë”, një referim që analistët e kanë interpretuar si një shfaqje respekti.

Zyrtarët rusë shohin një mundësi për ripërtërirjen e marrëdhënieve SHBA-Rusi, pasi Biden kërkoi parashikueshmëri dhe stabilitet në lidhjen dypalëshe. Megjithëse ka pak shpresa se takimi do të rikthejë rrënjësisht në binarë marrëdhëniet dypalëshe, ekziston shpresa në Rusi si nga mbështetësit, ashtu edhe nga kritikët e Putinit se takimi me Biden të paktën do të ndalojë spiralen e përkeqësimit.

Analistët thonë se “qëllimi i Putinit është të respektohet si kundërshtar, ndryshe nga sa ndodh tani. Kjo duket se është në përputhje me objektivat e Biden-it për një “marrëdhënie të parashikueshme dhe të qëndrueshme”.

---