Gjenevë: Pyetjet për fëmijët që shkaktuan reagime te prindërit

(KEYSTONE/Laurent Gillieron)

Një pyetësor dërguar prindërve të nxënësve të një shkolle fillore po shkakton pak shqetësim.

Ideja e testit, e formuluar nga Universiteti i Gjenevës, ishte të kontrollonte ‘kujtesën e punës’ të fëmijës.

Por, më pas kishte pyetje gjinore, të tilla si ‘me çfarë gjinie identifikohet fëmija juaj? Dhe ‘cila ishte gjinia e fëmijës tuaj në lindje?’

Ndërsa Drejtoria e Arsimit kantonale i kishte dhënë dritën jeshile pyetësorit, pyetjet gjinore ishin të papritura, transmeton albinfo.ch.

Ministrja e Arsimit, Anne Hiltpold, ka ndërhyrë dhe thotë se pyetjet nuk ishin relevante.

Universiteti thotë se pyetjet ishin të ngathëta. Një zëdhënës thotë se ata ‘do të ofendonin pa dyshim qarqet e jashtme të specializuara’.

Hiltpold tashmë ndërhyri në një rast tjetër me një shkollë në Lully që donte të eliminonte Ditën e Nënës dhe ta zëvendësonte atë me një ditë kushtuar “ata që duam”. Ajo urdhëroi që shkolla t’i përmbahej Ditës së Nënës.