Gjeneva mund të nisë përshkrimin e kokainës për personat e varur

Një projekt pilot nën mbikëqyrje mjekësore synon të trajtojë krizën e crack-kokainës dhe problemet e sigurisë në qytet

Përhapja e crack-kokainës në Gjenevë gjatë vitit 2021 solli rritje të dhunës, sjelljeve antisociale dhe ndjenjë pasigurie, veçanërisht në lagjen Grottes. Sipas autoriteteve dhe ekspertëve, këto probleme vazhdojnë të jenë të pranishme edhe sot, përcjell albinfo.ch.

Për t’u përballur me situatën, Daniele Zullino, shef i Shërbimit të Varësive në Spitalet Universitare të Gjenevës (HUG), po propozon një projekt pilot të pazakontë: përshkrimin e kokainës për përdoruesit nën mbikëqyrje mjekësore.

Sipas tij, politika aktuale e ndalimit po tregon kufizimet e saj, prandaj duhet të shqyrtohen qasje të reja në trajtimin dhe kujdesin ndaj personave të varur.

Programi i propozuar do të bazohej në modelin e përshkrimit të heroinës, i cili sipas ekspertëve ka dhënë rezultate pozitive në Zvicër. /Albinfo.ch

---