Gjendet një foshnjë e braktisur në Vrellë të Istogut

Imami i Xhamisë së fshatit Vrellës të Istogut, Arben Dreshaj, ka njoftuar se mëngjesin e sotëm ka gjetur një foshnje të braktisur, transmeton albinfo.ch. Foshnja ishte lënë në një pako mbi veturën e hoxhës pranë xhamisë së fshatit.

“Sot, pasi që e fala namazin e Sabahut në Xhaminë e fshatit Vrellë, kur dola jashtë Xhamie pas faljes se namazit,e gjeta një paketë mbi veturën time. Ora ishte rreth 5 e 15 min. Kur shikova në paketë ishte një foshnje e posalindur e mbështjellë me batanije. Pastaj menjëherë i kam thirr policinë dhe pak më shumë se 20 minuta vonesë, ka ardhur një veturë e policisë, bashkë me autoambulancën dhe e kanë marrë foshnjën”, ka shkruar imami në profilin e tij në “Facebook”.

Rastin e ka konfirmuar edhe Policia e Kosovës, që po heton këtë rast.