Gjendet në pyll një kolonel i vrarë zviceran

Megjithëse ende mungojnë indikacionet e sakta, konsiderohet se ushtaraku ka vrarë veten

Në një pyll në kantonin e Lucernit është gjetur trupi i pajetë i një burri. Më vonë u konstatua se fjala është për një oficer të ushtrisë ë Zvicrës me gradën e kolonelit, njoftojnë mediet zvicerane.

Megjithëse ende mungojnë indikacionet e sakta, konsiderohet se ushtaraku ka vrarë veten.

Blick.ch njofton se nuk është gjetur ndonjë letër lamtumire e tij që do të udhëzonte në një vetëvrasje. Koloneli i armatës së Zvicrës ka qenë i martuar dhe prind, por, sipas asaj që duhet aktualisht, nuk ka pasur motive të natyrës familjare që do ta çonin në vetëvrasje.

Ai ishte ngritur vetëm pak kohë më parë në gradën e kolonelit.

Ushtria Zvicerane nuk ka dashur të prononcohej lidhur me rastin e vdekjes së eprorit të saj. Zëdhënësi i ushtrisë, Daniel Reist ka thënë se nuk marrim qëndrim rreth një vrasjeje që nuk ka ndodhur gjatë kohës së shërbimit.

Ndërkohë, po vazhdojnë hetimet për të gjetur nëse koloneli ka vrarë veten me armën e shërbimit ose jo.