Futbolli, kundër homofobisë

Edicioni i parë i turneut në futboll për homoseksualë, i emëruar Champions LiGay, është mbajtur në Rio de Janeiro me shpresë që të luftojë homofobinë dhe sporti do të hapej më shumë për këtë dukuri.

Kampionati, i cili tërhoqi ekipe nga pjesë të ndryshme të botës, kishte për qëllim të luftojë edhe paragjykimet në sportin më të famshëm në botë, me shpresë që të tregojë se orientimi seksual nuk është pengesë nëse do të bëhesh futbollist i mirë.

I rrethuar nga familja e tij krenare, futbollisti amator, Vinicius Pelegrino, ka thënë se është me rëndësi të jesh i dukshëm dhe përfaqësues.  “Ne jemi këtu miq dhe familje. Andaj kjo më bënë të ndihem mirë, sepse duhet të luftojmë paragjykimet. Është me rëndësi të jesh i dukshëm dhe jam i lumtur që jam këtu”, tha ai.