Frank A. Meyer sqaron se pse Ballkani nuk i takon BE

Në Kosovë ka koalicion mafiozësh, në Malin e Zi sundon një oligark, Në Serbi sundon klientelizmi. Këto vende nuk kanë të bëjnë me demokracinë liberale të BE.

Publicisti dhe gazetari i mediave bulevardeske zvicerane, Frank A. Meyer ka kritikuar politikën e re të zgjerimit europian, duke shtuar se me këtë hap mundësohet eksportimi i cilësisë, por do të importonte probleme, shkruan albinfo.ch.

Ai këto komente i ka bërë për “Blick”, ndërsa si shembull ka marrë edhe Kosovën: “Në Kosovë ka koalicion mafiozësh, në Malin e Zi sundon një oligark, Në Serbi sundon klientelizmi. Këto vende nuk kanë të bëjnë me demokracinë liberale të BE.”

Ai si shembull të keq të shteteve brenda BE-së, ai nuk kurseu edhe Hungarinë me Poloninë. Të gjitha këto shtete, sipas tij, kanë probleme me të kaluarën komuniste ose fashiste.

Ndryshime të tilla të mëdha, nga shtete diktatoriale në shtete ku sundon drejtësia nuk mund të bëhet brenda një gjenerate.

“Këto ndryshime ndodhin për dy ose tre gjenerata. Andaj lëri kohë këtyrë shteteve dhe në të njëjtën periudhë lëri të prosperojnë,” tha në fund ai.