CH-Ballkani

Fqinjët zviceranë, të tronditur nga shuarja e familjes pesanëtarëshe kosovare

Fqinji i saj zviceran, Michael Schumm për "TeleM1" ka pohuar: "Vërtetë u rrëqetha. Ishin fqinjët e mi të parë. Më mungojnë fjalët, më ka prekur shumë"

E martë, 10 Korrik 2018 - 11:00 albinfo.ch
Familja pesanëtarëshe nga Reinachi, e cila humbi jetën gjatë të dielës në Kosovë, ka shkaktuar dhimbje të madhe edhe në Zvicër. Shumë media kanë raportuar për këtë aksident të tmerrshëm, ndërsa Televizioni “TeleM1” ka shkuar në vendbanimin e familje së ndjerë në Reinach.
Fqinji i saj zviceran, Michael Schumm për “TeleM1” ka pohuar: “Vërtetë u rrëqetha. Ishin fqinjët e mi të parë. Më mungojnë fjalët, më ka prekur shumë”.
“Kur dëgjoni se ishin banorë nga Reinachi, por edhe nga kudoqoftë – një aksident i tillë është gjithmonë i tmerrshëm”, thotë një kalimtar. Komuna e Reinachit iu siguron përkrahjen e tyre të plotë të prekurve nga ky rast. “Tani është e rëndësishme që të mbahen kontakte me njerëzit. Ne do të ndihmojmë aty ku të mundemi”, kadeklaruar kryebashkiaku Martin Heiz, transmeton Albinfo.ch.
Sipas “Aargauer Zeitung” familja pesanëtarëshe ka shkuar në Kosovë për t`i kaluar pushimet dhe është aksidentuar me një veturë të huazuar.

 Të ngjashme

Muharremaj: Lehtësime për mërgimtarët që investojnë në Suharekë

 Të tjera nga CH-Ballkani

KQZ me video se si duhet plotësuar fletëvotimin, fton qytetarët e Kosovës të votojnë më 9 shkurt

 E-Diaspora

 Jeta në Austri