Lajme
Finlandezët, sërish njerëzit më të lumtur në botë
Çfarë i bën saktësisht njerëzit në Finlandë kaq të kënaqur me jetën e tyre?
Sërish, vendi i parë për vendin më të lumtur në botë u takon finlandezëve, përcjell albinfo.ch.
Në raportin e vitit 2022, banorëve nga 156 vende iu kërkua të “vlerësojnë jetën e tyre sot në një shkallë nga 0 deri në 10”, duke parë gjithashtu faktorët që kontribuojnë në mbështetjen sociale, jetëgjatësinë, bujarinë dhe mungesën e korrupsionit.
Nga ana tjetër, psikologu dhe filozofi finlandez, Frank Martella, i cili studion parimet themelore të lumturisë, shpesh përballet me pyetjen e mëposhtme: Çfarë i bën saktësisht njerëzit në Finlandë kaq të kënaqur me jetën e tyre?
Në mënyrë që finlandezët të kenë një cilësi të lartë jetese, këto janë tri gjërat që nuk i bëjnë kurrë:
- “Ne kurrë nuk e krahasojmë veten me fqinjët tanë”
Ekziston një frazë e famshme e një poeti finlandez: “Kell’ onni on, se onnen kätkeköön”, që do të thotë “Mos krahaso dhe mos u mburr për lumturinë tënde”. Finlandezët e marrin këtë shumë seriozisht, veçanërisht kur bëhet fjalë për të mirat materiale dhe shfaqje të dukshme të pasurisë.
“Dikur u ndesha me një nga njerëzit më të pasur në Finlandë. Ai kishte fëmijën e tij në një karrocë dhe po ecte në stacionin e tramvajit. Ai mund të kishte blerë një makinë të shtrenjtë ose të punësonte një shofer, por ai zgjodhi transportin publik. Kështu duket suksesi në Finlandë: si gjithë të tjerët,” shpjegon ai.
Këshillë për lumturinë: Përqendrohuni në atë që ju bën të lumtur dhe më pak në shfaqjen e suksesshme. Hapi i parë drejt lumturisë së vërtetë është të vendosni standardet tuaja dhe të mos e krahasoni veten me të tjerët.
- “Ne nuk i anashkalojmë të mirat e natyrës”
Sipas një sondazhi të vitit 2021, 87% e finlandezëve e konsiderojnë natyrën si të rëndësishme për ta, sepse u siguron atyre paqe mendore, energji dhe relaksim.
Në Finlandë, punëtorët kanë të drejtë për katër javë pushime verore. Shumë e përdorin këtë kohë për të dalë në fshat dhe për t’u zhytur në natyrë. Sa më pak komoditete, edhe deri në pikën ku nuk ka energji elektrike apo ujë të rrjedhshëm në shtëpi, aq më mirë.
Këshillë për lumturinë: Kalimi i kohës në natyrë rrit vitalitetin, mirëqenien tonë dhe na jep një ndjenjë rritjeje personale. Gjeni mënyra për të shtuar pak gjelbërim në jetën tuaj, edhe nëse është thjesht blerja e disa bimëve për shtëpinë tuaj.
- “Ne nuk e thyejmë rrethin e besimit të komunitetit”
Hulumtimet kanë treguar se sa më i lartë të jetë niveli i besimit në një vend, aq më të lumtur janë qytetarët e tij. Eksperimenti i “portofolit të humbur”, i cili u zhvillua në vitin 2022, testoi ndershmërinë e qytetarëve duke hedhur 192 kuleta në 16 qytete të botës. Në Helsinki, 11 nga 12 kuletat iu kthyen pronarit të tyre.
Finlandezët priren t’i besojnë njëri-tjetrit dhe të vlerësojnë ndershmërinë. Nëse harroni laptopin tuaj në një bibliotekë ose humbisni telefonin tuaj në tren, mund të jeni shumë të sigurt se do t’jua kthejnë atë.
Fëmijët gjithashtu shpesh marrin autobusin publik në shtëpi nga shkolla dhe luajnë jashtë pa mbikëqyrje.
Këshillë për lumturinë: Mendoni se si mund t’i shërbeni komunitetit tuaj. Si mund të ndërtoni më shumë besim? Si mund të mbështesni politikat e bazuara në këtë besim? Veprimet e vogla, si hapja e derës për të huajt ose të lirosh një vend në tren, gjithashtu bën ndryshim.
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Shqiptari shpallet studenti më i mirë i policisë së Nju-Jorkut për 2024-ën
Jeta në Austri
-
Kandidati për eurodeputet, Lukas Mandl vizitoi meshën shqipe në Vjenë Lukas Mandl falënderoi komunitetin shqiptarë në Austri që po e mbështesin gjatë këtij rrugëtimi në ...
-
Bildungskarenz: Çfarë duhet të dini për marrjen e fondeve shtetërore austriake për arsimim të mëtejshëm?
-
Muttertag: Si e feston Austria Ditën e Nënës?
-
Çfarë duhet të dini për supermarketet në Austri?
-
Çfarë lejohet të bëjnë fëmijët vetëm sipas ligjit austriak?