Lajme
Filmi i shkurtër zviceran, i nominuar për Oscar
Ala Kachuu (Merr dhe ik), me skenar dhe regji të regjisores gjermano-zviceriane Maria Brendle, është nominuar për një çmim Oscar në kategorinë e Filmit të Shkurtër (Live Action), përcjell albinfo.ch.
Drama 38-minutëshe tregon historinë e 19-vjeçares Sezim, nga Kirgistani, e cila dëshiron të përmbushë ëndrrën e saj për të shkuar në universitet. Megjithatë, ajo rrëmbehet dhe martohet me një të huaj. Ajo përballet me një zgjedhje: ose refuzon martesën dhe pranon stigmatizimin dhe përjashtimin social, ose ndjek ëndrrën e saj.
Megjithëse ky zakon është i paligjshëm në Kirgistan, ai është ende i përhapur në rajone të tjera të botës nën maskën e traditës, tha Brendle në faqen e internetit të filmit. Vetëm disa vajza mund t’i shpëtojnë martesës pas rrëmbimit, të quajtur “Ala Kachuu”.
“Shumë e pranojnë fatin e tyre, nga frika se mos refuzohen dhe përjashtohen”, tha ajo.
Me këtë film, ku luan Alina Turdumamatova në rolin e Sezim, Brendle tha se donte të “kontribuonte në ngritjen e ndërgjegjësimit të shoqërisë për të drejtat e grave dhe t’u jepte zë atyre që dëgjohen rrallë”.
Brendle, 38, ka lindur në Gjermani dhe ka studiuar në Universitetin e Arteve të Cyrihut. Ajo jeton dhe punon në Cyrih.
Kanë kaluar më shumë se 30 vjet që kur një aktor apo regjisor zviceran fitoi një Oscar. Regjisori Xavier Koller është fituesi më i fundit, duke marrë çmimin për dramën e tij emigrante Udhëtimi i Shpresës, i shpallur filmi më i mirë në gjuhë të huaj më 1991.
Ala Kachuu është një nga pesë filmat për të hyrë në listën e ngushtë. Ceremonia e 94-të e Çmimeve të Oscar-it do të mbahet në Hollywood më 27 mars, përcjell tutje albinfo.ch.
Të ngjashme
Të tjera nga Lajme
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?