Lajme
Filloi shpërndarja e librave për mësimin plotësues shqip në Austri
Në Ambasadën e Republikës së Kosovës në Austri ka filluar shpërndarja e librave dhe materialeve të tjera për mësimin plotësues shqip.
Edhe kësaj here, si herë të tjera më parë, mësuesit shqiptarë në Austri pranuan tekstet mësimore pedagogjike–didaktike në Ambasadën–Konsullatën e Republikës së Kosovës në Austri, dërguar nga Ministria e Punëve të Jashtme e Diasporës. Kështu ka njoftuar kryetarja e Shoqatës së Mësueseve Shqiptarë në Austri “Naim Frashëri”, Miradije Berisha, raporton Albinfo Austria.
“Në emër të SHMSH-së “Naim Frashëri” në Austri, falënderoj MPJ e Diasporës dhe Ministrinë e Arsimit të Republikës së Kosovës për dërgimin e teksteve, po ashtu falënderoj Ambasadën- Konsullin dhe stafin e tij, të cilët u kujdesen që sa më shpejt tekstet mësimore të janë në duar të nxënësve. Falënderoj kolegët e mi që janë gjithmonë në mbështetje të shoqatës”, ka thënë ajo.
Kryetarja Berisha ka theksuar se ka një interesim me të dukshëm për pjesëmarrjen e nxënësve në mësimin e gjuhës shqipe.
“Megjithatë, apelojmë te prindërit që të kontaktojnë mësuesit shqiptarë, sepse mësimi i gjuhës amtare është në interesin e fëmijëve në rend të parë që ata sado pak të kanë njohuri për gjuhën, origjinën dhe kulturën shqiptare”, përfundon kryetarja e SHMSHA-së, Miradije Berisha.
E-Diaspora
-
Kosovari para gjyqit, ka sulmuar çiftin homoseksual I akuzuari i goditi ata në duar dhe i quajti, ndër të tjera, “homo të neveritshëm”...
-
Gjuha shqipe forcon integrimin
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
Jeta në Austri
-
Çfarë është e hapur dhe çfarë është e mbyllur në “Ditën e Ngjitjes” në Austri? Të enjten është Dita e Ngjitjes, ose Christi Himmelfahrt në gjermanisht, një nga shumë festat publike...
-
Përmbledhje e lajmeve më të fundit për sot në Austri
-
Dëmet e aksidenteve rrugore arrijnë në miliarda në Austrinë e Epërme
-
Kancelari austriak me thirrje për testime më të shpeshta të ADN-së, për të verifikuar lidhjet familjare
-
Cila është vaksina e rriqrave në Austri dhe a duhet ta merrni atë?