“Ferrari” i vitit 1953 shitet për rreth 9 milionë euro

Një tip i rrallë i “Ferrarit” nga viti 1953 u shit për 8.8 milionë euro.

Vetura është shitur në një ankand të organizuar nga shtëpia e ankandeve “RM”. Bëhet fjalë për një nga tri modelet garuese “375 MM”, që në vitin 1953 kanë qenë në shtegun Le Man dhe po atë vit kanë marrë pjesë në garat e qëndrueshmërisë nëpër rrugët e Belgjikës, Italisë dhe Meksikos. 

Askush nuk priste që çmimi të shkojë më shumë se 5 milionë euro, por në një konkurrencë të madhe të pjesëmarrësve në ankand fitoi një qytetar britanik, adhurues i automjeteve italiane të “Ferrarit”.