Fëmijët dhe adoleshentët zviceranë rrisin aktivitetin e tyre sportiv

Fëmijët dhe adoleshentët zviceranë kanë rritur ndjeshëm aktivitetet e tyre fizike midis viteve 2014 dhe fillimit të vitit 2020, sipas një studimi qeveritar.

Studimi Swiss Sport 2020 gjithashtu zbuloi se hendeku gjinor është ngushtuar dhe se ndarja urbane-rurale është zgjeruar kur bëhet fjalë për njerëzit që praktikojnë sport, përcjell albinfo.ch.

Gjetjet iu paraqitën gazetarëve të hënën në një konferencë shtypi, ku mori pjesë ministrja e Sportit, Viola Amherd. Studimi bazohet në të dhënat e mbledhura nga 3,400 të rinj të moshës 10 deri në 19 vjeç.

Ndër gjetjet ishte: adoleshentët e rinj (mosha 10-14 vjeç) janë më aktivë sesa adoleshentët më të vjetër (mosha 15-19 vjeç). Pjesa e fëmijëve dhe adoleshentëve që nuk marrin pjesë në asnjë sport u ul gjatë periudhës në shqyrtim në 12% tek fëmijët dhe 18% tek adoleshentët, krahasuar me 14% dhe 20%, respektivisht në vitin 2014. Raporti thekson rëndësinë e aktiviteteve sportive shkollore, kampet sportive dhe klubet sportive si një nxitës i ushtrimeve të rregullta tek fëmijët e moshës shkollore, përcjell tutje albinfo.ch.