Lajme
“FC Dardania Linz”, klubi i parë shqiptar në Austrinë e Epërme
“FC Dardania Linz” është formuar në mars të vitit 2017 nga afaristë dhe futbolldashës nga Linzi i Austrisë. “FC Dardania Linz” i mirëpret të gjithë ata që e duan futbollin.
Klubi futbollistik “FC Dardania Linz” u themelua për vetëm një qëllim: Të largohen të rinjtë shqiptarë nga rruga e keqe dhe t’i futen futbollit.
“Qëllimi kryesor për themelimin e këtij klubi ka qenë që t’i largojë të rinjtë shqiptarë nga problemet me drogën, alkoolin dhe dukuritë e tjera negative”, thotë për albinfo.at Sylejman Fejziu.
Përveç qëllimeve të mira për rininë shqiptare, te klubi i “FC Dardania Linz” mund edhe të fitosh një shumë simbolike parash.
Pjesa e ekipit të parë dhe dy trajnerët marrin pagë premi për çdo lojë të fituar. Në rast fitoreje, ata marrin nga 50 euro secili.
Një pjesë e madhe e skuadrës përbëhet nga futbollistë shqiptarë, por siç thotë Fejziu, ka edhe nga shtetet e tjera që kanë migruar në vendin e Austrisë.
“Pjesa më e madhe është me futbollistë shqiptarë, por kemi edhe nga Turqia, Rumania, Afganistani dhe Gjeorgjia. Jemi një klub me sfond të migracionit, i pranuar në Austri”.
Përvoja e kaluar ka treguar se trajnerët shqiptarë sipas skuadrës “Dardania Linz” nuk janë shumë seriozë në punë, andaj ky klub tani ka angazhuar trajnerë austriakë.
“Kemi dy trajnerë austriakë momentalisht, por kemi pasur edhe shqiptarë. Për shkak të seriozitetit të trajnerëve austriakë, kemi vendosur të bashkëpunojmë me ta dhe jemi shumë të kënaqur”, vazhdoi Sylejmani.
Në këtë skuadër nuk mungon profesionalizmi. “FC Dardania Linz” momentalisht ka katër ekipe, U11, U13, ekipin e rezervave dhe ekipin e parë.
Te klubi shqiptar me lokacion në Linz, janë të mirëseardhur të gjithë atë që e duan futbollin.
“Të gjithë janë të mirëseardhur. Shumica e lojtarëve shqiptarë janë të lindur dhe të rritur në Austri, por ka edhe nga ta që kanë ardhur rishtazi”, përfundoi Fejziu.
Dy futbollistët më të mirë të kësaj skuadre duket të jenë: Benjamin Sylejmani dhe Fatijan Murturi.
Të tjera nga Lajme
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj