Fatmiri shpëton nga zjarri babanë e dy fëmijëve

Të dielën, rreth orës 20.30 të mbrëmjes fatmir Limani po e ngiste veturën nga Winterthuri në drejtim të Cyrihut. Në afërsi të qendrës tregtare Glatt zentrum shqiptari 24 vjeçar nga Kosova e sheh në shiritin anësor të rrugës një veturë të kapluar nga zjarri.

“Pasi që askush tjetër nuk qëlloi aty, unë ndalova po ashtu at”, tregon Fatmir Limani dhe shton se menjëherë i ka telefonuar policisë. Ndërkohë, pa u hamendur ai ka vrapuar drejt makinës që po digjej. “Dy fëmijë 10 dhe 12 vjeçarë po qëndronin të tmerruar në shi”. Gjatë kësaj kohe, babai i dy fëmijëve ndodhej ende në automobil. “E kapa për krahësh dhe i bërtita që të dilte menjëherë nga makina”.

Familja dhe policët që ndërkohë vinë bashkë me zjarrfikësit, e falënderojnë fatmirin për guximin e treguar. Për fat e gjithë kjo përfundoi pa të lënduar, ndërsa vetura është shkatërruar terësisht.

Sipas rrëfimit të shoferit, makina kishte filluar papritmas të nxirrte tym. Ende pa u ndalur mirë, ajo ishte përsfhirë nga flakët.