Lajme
Evakuohet Pallati Federal për shkak të objekteve të dyshimta
Policia ka rrethuar sheshin Bundesplatz dhe zonën përreth pasditen e së mërkurës për shkak të objekteve të dyshimta. Sendet e gjetura u konstatuan të padëmshme
Alarmi ka rënë pak para mesditës. Sheshi Bundesplatz dhe zona përreth u rrethuan më pas, transmeton albinfo.ch. Për arsye sigurie, krahu perëndimor i Pallatit Federal dhe qendra mediatike përballë u evakuuan përkohësisht.
Policia ka gjetur dy objekte të dyshimta, siç ka bërë të ditur në rrjetin social X (ish-Twitter) pasditen e së mërkurës. Sendet u ekzaminuan dhe u konstatuan të padëmshme.
Shumica e dyqaneve dhe restoranteve përreth sheshit ishin të hapura, ka raportuar një korrespondent i agjencisë së lajmeve Keystone-SDA. Disa automjete policie ishin të mobilizuara, ndërsa policia ngriti një qendër të vogël komandimi në vendin e ngjarjes. Rrugët e trafikut përmes Bundesgasse, Kochergasse, Schauplatzgasse dhe Amthausgasse ishin ndërprerë. Sidoqoftë, Tarraca e Pallatit Federal, nga ana e prapme e ndërtesës, ishte e hapur.
Mbledhja e Këshillit Federal, e cila përfundoi në mesditë, nuk u ndikua nga incidenti. Këshilli Federal ka dalë nga godina shëndoshë e mirë, ka thënë zëvendëskancelari dhe zëdhënësi i Këshillit Federal André Simonazzi për agjencinë e lajmeve Keystone-SDA.
Ndodh rregullisht që sheshi Bundesplatz mbyllet për shkak të objekteve të dyshimta. Hera e fundit që ndodhi kështu ishte rreth dy javë më parë. Objekti i gjetur më pas doli të ishte i padëmshëm.
Të tjera nga Lajme
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë