“EUROBUS” ndërpret linjat e gjata brenda Zvicrës

Ndërmarrja private e autobusëve “EUROBUS” po pezullon gjashtë linjat e saj të autobusëve në distanca të gjata në Zvicër, vendim që do të hyjë në fuqi më 15 nëntor

Linjat në fjalë janë ato midis Gjenevës dhe St. Gallen, Luganos dhe Bazelit dhe Montreux-Cyrih, njoftoi të mërkurën agjencia zvicerane e lajmeve Keystone-SDA, përcjell albinfo.ch.

Ministria e Transportit në Zvicër ra dakord për përfundimin e licencës së kompanisë dhe ndërprerjen e operacioneve më 15 nëntor.

Roger Müri, drejtori i EUROBUS, i tha agjencisë së lajmeve se autobusët që lidhin Zvicrën me vendet fqinje do të vazhdojnë të funksionojnë.

Grupi operon me 300 autobusë. Kjo kompani është partneri lokal i Flixbus për udhëtime kombëtare.

 

---