Muzikë
Ekspozitë, piktorja shqiptare, në mesin e 38 artistëve nga Zvicra
Marigona Toma është shqiptarja e vetme që është përzgjedhur nga Komuna Flamatt-WünneWil për shpalosjen e punës së saj në një ekspozitë, ku do të marrin pjesë gjithsej 38 artistë nga Zvicra, përcjell albinfo.ch.
Ajo është e njohur për prezantimin e saj me koleksionin e syve, kësaj radhe është identifikuar po një lloj edhe në ekspozitën në të cilën do të jetë pjesëmarrëse.
Thuhet se koleksioni i saj i syve shpalos një mesazh mjaft të fortë, pasi që, sipas saj, sytë janë pasqyrë e shpirtit dhe përmes tyre shprehen gjëra që përmes fjalëve nuk mund të shprehen.
“Sytë bartin në vete histori të ndryshme për çdo njeri, qoftë ajo e gëzimit, pikëllimit apo lumturisë”, shprehet Marigona.
Artistja gjithashtu ka bërë të ditur se kjo nuk është pjesëmarrja e saj e parë në ekspozita në Zvicër, por që kësaj here ajo krejt rastësisht ka dëgjuar nga një mike se do të realizohet një ekspozitë me përfshirjen e artistëve të ndryshëm.
“Thjesht, formova kërkesën dhe pastaj dërgova punimet, ku pata rastin të marr një përgjigje të menjëhershme dhe mjaft pozitive”, tha ajo.
Ajo ka një numër të madh të punimeve, të cilat depërtojnë thellësisht në një gërshetim të mahnitshëm të ngjyrave. Ndërsa, përzgjedhja e punës së saj është realizuar nga caktimi i disa kritereve të vogla dhe koha e realizmit të pikturave që ka ndodhur brenda katër mureve të një dhome, e cila ishte në dispozicion për artisten shqiptare.
Planet e mia për të ardhmen përfshijnë mjaft vizione, të cilat përfshijnë një horizont të gjerë, por që për shkak të situatës pandemike disa aktivitete, siç janë dy ekspozita të menduara, por që fatkeqësisht janë anuluar. Prandaj, shpresoj se kjo gjendje e vështirë të kalojë sa më shpejt, sepse edhe kjo ekspozitë është një mundësi e mirë e shprehjes së artit tim”, përfundon Toma.
Kjo ekspozitë do të realizohet në Zeughaus në Flamatt/Fribourg dhe zgjat nga 18 e deri më 27 qershor të këtij viti. /kultplus
Të ngjashme
Të tjera nga Muzikë
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
Arrestohen këngëtarët shqiptarë në një “Bajram party”, në Zvicër
-
Shtetasja zvicerane arrestohet në Viti për shkak të kërcënimeve
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
Jeta në Austri
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku Lidhja Demokratike e Kosovës organizon takim informues me Eurodeputetin Lukas Mandi, kandidat në zgjedhjet EU2024 që...
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri