Ekspozitë: “Mirë se erdhëm”? – Albanerinen in Berlin

Në këtë ekspozitë digjitale rrëfejnë tregimet e tyre gratë shqiptare nga Kosova, Maqedonia dhe Shqipëria, të cilat jetojnë në Berlin

Në klubin tradicional “Club von Berlin” në Berlin është prezantuar ekspozita digjitale “Mirë se erdhëm?” – Albanerinen in Berlin.

Ekspozitë është projekti i shoqatës Berliner Geschichtswerkstatt në kuadër të programit “Geschichten in Vielfalt(n)” , “Historitë e ndryshme, apo të shumfishta”, të mbështetura nga fondacioni “Erinnerung, Verantwortung und Zukunft “(EVZ).

Projekti është koceptuar dhe realizuar nga dy gra, njëra shqiptare dhe tjetra gjermane. Bëhet fjalë për Feride Xhafer Berisha dhe Kerstin Engelhard.

Ndërsa dymbëdhjetë  shqiptare nga Kosova, Shqipëria dhe Maqedonia iu bashkuan këtij projekti.

Në qendër të punës në këtë projekt janë rrëfimet e grave shqiptare, të cilat jetojnë në Berlin. Nga tregimet e tyre mësohet se disa nga to kanë shkuar si fëmijë të “Gastarbeiter”-ve në vitet 60, 70-ta, pra punëtorët që erdhën me kontratë të punës si rezultat i marrëveshjes që pati Gjermania me ish- Jugosllavinë; disa nga to kanë lindur në Berlin, ndërsa disa gra të intervistuara kishin hyrë në Gjermani si ilegale.
 

Nga tregimet e tyre mësohet shumë për historinë e familjes shqiptare në vendet nga ato vijnë. Të njëmbëdhjetë intervistat janë kryer pjesërisht në gjermanisht dhe pjesërisht në gjuhën shqipe.

Ideja për një projekt të këtill daton që nga 2011-ta. Mijëra shqiptarë nga vende të ndryshme , veçanërisht nga Shqipëria, Kosova, Serbia dhe Maqedonia  jetojnë në Berlin, por është thënë të jenë si komunitet kryesisht i panjohur për gjermanët.