Lajme
Ekonomistët gjermanë: Të gjithë do të dalim më të varfër nga kriza
Humbja e madhe në fuqinë blerëse dhe rritja e inflacionit për shkak të çmimeve të larta të energjisë për kompanitë po e çojnë ekonominë gjermane drejt një recesioni, sipas ekonomistëve.
Ndërsa Marc Schattenberg i “Deutsche Bank Research” parashikoi një rënie të PBB-së deri në 3,5% vitin e ardhshëm, ekonomistë të tjerë e konsideruan rënien si disi më të lehtë, por duke prekur të gjitha pjesët e ekonomisë më të madhe të Evropës.
“Rënia ekonomike do të lërë gjurmë edhe në tregun e punës”, tha Fritzi Köhler-Geib, krye-ekonomiste në bankën shtetërore të zhvillimit (KfW).
Mbi të gjitha, parashikohet të preken familjet private dhe fuqia e tyre blerëse.
“Për shkak të inflacionit të lartë, gjendja financiare e familjeve private është përkeqësuar ndjeshëm që nga fillimi i vitit”, tha Köhler-Geib, transmeton Albinfo.ch.
“Të ardhurat reale pritet të ulen më shumë në gjysmën e dytë të vitit”, tha ajo.
‘Një pjesë e madhe e familjeve do të duhet të përballen me humbje të dukshme të të ardhurave reale”, tha Schattenberg.
Katharina Utermöhl, ekonomiste në “Allianz Group”, e përmblodhi situatën duke shtuar se të gjithë do të dilnin nga kriza më të varfër.
“Gjermania po kalon krizën më të madhe të 50 viteve të fundit. Kjo e zbeh krizën e madhe financiare dhe krizën e borxhit të euros,” tha ajo.
“Efekti i inflacionit tani duhet të zbutet. Nga njëra anë, nëpërmjet masave të politikës fiskale të shtetit, por edhe nëpërmjet kursimeve nga privatët’, theksoi ajo.
Të tjera nga Lajme
E-Diaspora
-
Avokati kërkon lirimin e menjëhershëm të shqiptarit të akuzuar për vrasje të dyfishtë Ai mbështetet në rrëfimin e autorit E.B., i cili tashmë është dënuar për këtë rast, një ditë...
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
Jeta në Austri
-
Bora zbardh Austrinë Austria sot është mbuluar nga bora. Mediat raportojnë se në vendet malore, reshjet kanë qenë më...
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa