Edhe një rrëshqitje nga e djathta e elektoratit zviceran

Barometri  politik i prezantuar të mëkurën, i treti i realizuar për këtë vit, para  ka treguar një trend të “rreshqitjes” nga e djathta të elktoratit zviceran, pak para zgjehdjeve nacionale të tetorit.

Sondazhin e ka realizuar instituti Gfs Bern me porosi të SRG SSR.

Sipas këtij barometri, po të mbaheshin zgjedhjet në fund të gushtit, partitë si SVP/UDC dhe FDP/PLR do të dilnin me një përqindje të shtuar të votave, ndryshe nga partitë e qendrës si CVP/PDC, BDP dhe GLP të cilat kanë një rënie të theksuar.

SVP/UDC, partia që ka më së shumti elektorat, në bazë të këtij barometri do të mbërrinte në 28% nga 26.1% sa i ka pasur në barometrin e bërë në muajin qershor. Ndërsa FDP/PLR, po të votohej në fund të gushtit të këtij viti do të kishte 16.9 të votave të elektoratit zviceran. Në të vërtetë, FDP-ja në barometrin e qershorit kishte arritur në 17.1% por gjatë tërë vitit ka pasur një trend rritjeje në krahsim me rezultatin e arritur në zgjedhjet e kaluara.

Partia Socialdemokrate (SP/PS) në këtë barometër ka mbetur me forcë të pandryshuar në krahasim me muajin qershor, kur kishte shënuar një ngritje të vogël, gjegjësisht kishte mbërritur në 19.3% të votave të elektoratit zviceran.

CVP/PDC sipas barometrit do të shënonte edhe një rënie, nga 11.5% sa i ka pasur në qershor, ajo do të binte në 11.1%. BDP nga 4.4% bie në 4.2% dhe GLP nga 4.8% në 4.4%. Partia e Gjelbër, nëse rezultatet e barometrit dalin të sakta do ta ruajë fuqinë e saj që e kishte në qershor. Të dy herët ajo është ngjitur në 7.4% .