Edhe në Zvicër falimentojnë firmat

Në Zvicër në maj të këtij viti janë raportuar 577 falimentime, kundrejt 489 në të njëjtin muaj të vitit të kaluar, ndërsa për pesë muaj numri i tyre u rrit me katër për qind.

Falimentimi për shkak të problemeve financiare në maj u rrit për 16 për qind krahasuar me të njëjtin muaj të vitit të kaluar, përkatësisht 450 prej tyre, ndërsa 127 raste të mbetura kishin probleme organizative, tregojnë statistikat zyrtare.

Në të njëjtën kohë numri i kompanive të reja në maj ka shënuar  rënie me 13 për qind, në 3,016, të cilat, sipas kompanisë konsulente Bisnod, punëdhënësit zviceranë vlerësojnë situatën e tanishme ekonomike si të pafavorshme, transmeton albinfo.ch.

Nga janari deri në maj janë të regjistruar 16 678 ndërmarrje të reja, 5 për qind më pak se në të njëjtën periudhë të vitit të kaluar.