Edhe në Nju-Jork prezantohet autobusi pa shofer

Autobusi i parë pa shofer, me censorë të teknologjisë së lartë, është prezantuar në Nju-Jork, në Times Square.

Ai nuk ka madje as timon dhe prodhohet nga kompania “Coast Autonomous”, një hyrje e re në tregun e veturave pa shofer, shkruan ‘Scan’.

Ai mund të lëvizë në të dyja drejtimet, ndërsa krahas ulëses së shoferit, i mungojnë edhe ulëset e pasagjerëve.

Në vend të tyre është një rreth me ulëse pranë dritareve, me një hapësirë të vogël për dyert, përcjell albinfo.ch.

“Jemi duke shfaqur makinat pa shofer në mjetet me shpejtësi të madhe. Ky autobus është plotësisht i padëmshëm për këmbësorët. Ne kemi punuar fort në përshtatjen e shpejtësisë së tij. Ka shumë lëvizje dhe kemi nevojë për lehtësi në trafik. Mendojmë se makinat me shpejtësi mesatare do të përshtaten shpejt në këtë trafik. Ky autobus është i dizajnuar për aeroporte, kampuse të shkollave, parqe ose qendra periferike të qytetit”, ka thënë Rick Baker, këshilltar i lartë i zhvillimit urban në qytetin amerikan.

Në të ardhmen ai do të mund të transportojë personat në itinerare të paracaktuara, me shpejtësi deri në 32 km/h.