«Easyjet», lider në aeroportin e Gjenevës

Trafiku i pasagjerëve në aeroportin e Gjenevës është rritur pak në vitin 2018. Bëhet fjalë për 17.68 milionë që kanë fluturuar në aeroportin e Zvicrës Perëndimore.

Thuhet të jetë një rritje prej 1.9 për qind krahasuar me vitin e kaluar, përcjell albinfo.ch lajmin e mediave zvicerane.

Megjithatë, rritja e numrit të pasagjerëve u ngadalësua në mënyrë të qartë. Deri në vitin 2017, numri i udhëtarëve që përdorin aeroportin ishte rritur me gati pesë për qind krahasuar me 2016, njoftoi operatori i aeroportit, përcjell albinfo.ch.

Sa i përket pjesës së tregut, «Easyjet» me kosto të ulët është në krye me 45.0 për qind në aeroportin e Gjenevës. Kjo pasohet nga “Swiss” (11.8%), “British Airways” (4.9%) dhe “Air France” (4.1%).

Shifrat përfundimtare për vitin 2018 do të publikohen nga operatori i aeroportit më 29 mars 2019.

Të enjten e kaluar, aeroporti i Cyrihut paraqiti numrat e pasagjerëve për vitin e kaluar. 31.1 milionë pasagjerë, 5.8 për qind më shumë se vitin e kaluar fluturuan mbi Cyrih në vitin 2018, që do të thotë një rekord i ri.