Lajme
Dy të vdekur nga ortekët në malet zvicerane
Me dy viktimat e fundit bëhen dhjetë vetë që kanë vdekur nga ortekët në Zvicër këtë dimër
Dy persona kanë humbur jetën nën ortekë, sot, e shtunë, në Engelberg (OW) dhe në Stoos (SZ). Me viktimat e fundit bëhen dhjetë vetë që kanë vdekur nga ortekët në Zvicër këtë dimër.
Orteku në Engelberg është aktivizuar pak para orës 11 në zonën Laub mbi Gerschnialp, raporton policia kantonale e Obwaldenit, shkruan sda.ch.
Sipas vëzhgimeve, të paktën dy persona janë kapur dhe mbuluar nga orteku, transmeton albinfo.ch. Jashtë shpateve të siguruara në këtë zonë kishte edhe njerëz të tjerë. Tre prej tyre janë shpëtuar shpejt, pas kalimit të ortekut, thotë komunikata.
Kërkimi i mëtejshëm në Couloir ka rezultuar i vështirë dhe i rrezikshëm për shkak të situatës së rëndë me borën. Hulumtimi megjithatë është vazhduar, pas shpertthimit të qëllimshëm që bënë forcat e shpëtimit.
Një nga tre personat e gjetur mundi të shpëtohej i padëmtuar nga masat e dëborës. Dy persona të tjerë janë lënduar rëndë me rrezik për jetën dhe janë dërguar në spital nga Rega. Personi i lënduar më rëndë ka vdekur ndërkohë.
Një skitar (freerider) 49-vjeçar ka vdekur të shtunën në mëngjes në Stoos në një shpat të pjerrët në zonën Rot Turm larg nga shpatet e siguruara të skive, përcjell albinfo.ch. Orteku i gjerë 100 deri në 150 metra e ka varrosur atë pak para orës 10 të mëngjesit, edhe pse ai kishte aktivizuar “jastëkun” e sigurisë ndaj ortekëve.
Pas nxjerrjes nga orteku dhe ndihmës së parë që iu ofrua në vend, Rega e ka transportuar personin me lëndime të papërcaktuara në spital. Por, ai ka vdekur atje pak kohë më vonë.
Të ngjashme
Të tjera nga Lajme
E-Diaspora
-
Spanjë: Vlerësohet shfaqja “Ëndrrat e Hamletit” e Mentor Zyberajt Mësohet se shfaqja “Ëndrrat e Hamletit”, me regji të Mentor Zyberajt ka marrë vlerësim të lartë...
-
Kanada: Tenori me famë botërore, Ramë Lahaj, sjell “Traviata” e Xhuzepe Verdit
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik