Dy akademikë nga Kosova ndër më të spikaturit në universitetet suedeze

Miranda Kajtazi, docente në Universitetin e Lundit, dhe Bahtijar Vogel, udhëheqës i Departamentit të Shkencave Kompjuterike në Universitetin e Malmos – shembuj suksesi nga Kosova në Suedi

Miranda Kajtazi dhe Bahtijar Vogel pa dyshim se janë shembuj suksesi nga Kosova në Suedi, transmeton albinfo.ch.

Këto dy figura të shquara janë me prejardhje nga Kosova po po lënë gjurmë të rëndësishme në fushën e shkencës dhe teknologjisë, ku Miranda Kajtazi është docente në Universitetin prestigjioz të Lundit, dhe Bahtijar Vogel, është udhëheqës i Departamentit të Shkencave Kompjuterike dhe Teknologjisë Mediale në Universitetin e Malmos.

Ambasadorja e Republikës së Kosovës në Suedi, Shkendije Geci-Sherifi, pati kënaqësinë e veçantë të zhvillojë një takim në Universitetin e Malmos, ku u diskutua për tema të rëndësishme që lidhen me diplomacinë, shkencën dhe të ardhmen digjitale.

Gjatë një takimi të zhvilluar me ta, u diskutua për tema të rëndësishme që prekin diplomacinë, shkencën dhe të ardhmen digjitale.

Vogel prezantoi strukturën dhe punën e departamentit që drejton, duke theksuar roli e digjitalizimit në shoqëri si një mjet që hap mundësi të reja për zhvillim, inovacion dhe përfshirje.

Gjithashtu, u fol për mundësinë e një bashkëpunimi konkret në kuadër të programit “Horizon Europe”, që do të shërbente si një urë bashkëpunimi ndërmjet institucioneve suedeze dhe atyre kosovare.

Është një krenari kombëtare të shohim profesionistë si Miranda Kajtazi dhe Bahtijar Vogel, të cilët me përkushtim, dije dhe vizion kontribuojnë në avancimin e shkencës dhe në përfaqësimin dinjitoz të Kosovës në botë — duke ndërtuar ura të reja të dijes dhe bashkëpunimit ndërkombëtar./Albinfo.ch

---