Dua Lipa, Ava Max dhe DJ Regard, të nominuar për çmime nga Music Awards 2020

Suksesi i artistëve me origjinë shqiptare, Dua Lipa, Ava Max dhe DJ Regard, vijon me nominimet në çmime të rëndësishme në LOS40 Music Awards, përcjell albinfo.ch.

Është bërë e ditur se tre artistë shqiptarë të nominuar në eventin më të madh të ndarjes së çmimeve në Spanjë, Los40 Music Awards 2020.

Në ndarjen e çmimeve të sivjetme do të përfshihen gjithashtu Çmimi i Artë i Muzikës që do t’i dorëzohet të ndjerit, Pau Doné, pas vdekjes së tij më 9 qershor.

Së shpejti do të bëhet e ditur edhe data e ceremonisë së ndarjes së çmimeve si dhe performancat e gala mbrëmjes së këtij viti.

Dua Lipa, e cila dy vjet më parë ishte prezente në Los40 Music Awards dhe rrëmbeu tri çmime, sivjet është e nominuar në katër kategori. Ava Max është gjithashtu e nominuar në tri kategori, ndërsa DJ Regard është nominuar për çmimin “Artisti ose producenti më i mirë i zhanrit dance”.

Artistja me prejardhje nga Shqipëria, Ava Max, është gjithashtu e nominuar në tri kategori, ndërsa hyrje e re për herë të parë sivjet është DJ me prejardhje nga Ferizaj, Regard.

DJ Regard ka arritur që të nominohet për çmimin “Artisti ose producenti më i mirë i zhanrit dance”, me çka ka shënuar edhe për herë të parë nominimin për një çmim internacional.