DPSHTRR printon një targë “nga zemra” për Albinfo.ch

Eventi i realizuar nga Retro.al dhe Drejtoria e Përgjithshme e Shërbimeve të Transportit Rrugor sot, më 14 shkurt, për nder të festës së Shën Valentinit ka printuar targa suveniri, për më të dashurit.

Ky event i pazakontë u mirëprit shumë mirë nga shumë njerëz, duke u printuar nga një dhuratë të veçantë. Drejtoria e përgjithshme e Tranportit Rrugor, së bashku me Retro.al organizuan këtë event me rastin e festës së Shën Valentinit gjatë gjithë ditës.

Për nder të Shën Valentinit u printua edhe një targë për median zvicerane Albinfo.ch, duke krijuar një targë suveniri me mbishkrimin e kësaj medie “ALBIFO.CH”.

Motoja e këtij eventi ishte “Dhurojini njeriut të zemrës Targën e Dashurisë” dhe “Diçka më ndryshe për të dashurit tuaj në ditën e Shën Valentinit”.

Duhet theksuar se punishtja e Targave Suvenir u mbajt në zonën e ish-Bllokut dhe ishte në dispozicion nga ora 10:00 deri në 22:00, bashkë me një ambient të ngrohtë e të mbushur me ngjyra dashurie.

Qëllimi i këtij eventi interesant ishte një instalacion romantik, vendi i preferuar për të bërë foto, gjithashtu pjesë e ambientit festiv të zbukuruar nga pasioni, e bukura, e mbi të gjitha nga ndjesia më e madhe që bën këtë botë të rrotullohet nga dashuria.