Dokumentari i ndeshjes Serbi-Shqipëri, edhe në Londër

88 minuta i gjatë ‘Triumph’ përfshin intervista e momente speciale, mbi futbollistët e kombëtares shqiptare

Në Londër do të shfaqet për herë të parë dokumentari ‘Triumph’, dedikuar asaj çfarë ndodhi dhe çfarë solli ndeshja Serbi-Shqipëri, e 14 tetorit 2014, ndeshje e zhvilluar në Beograd, dhe që ishte ndërprerë, për shkak të trazirave në fushë.

Dokumentari do të shfaqet në kinemanë “The Prince Charles Cinema”, ku të gjithë të pranishmit do të kenë mundësi të takojnë dhe t’i drejtojnë pyetje edhe ish-kapitenit të Kombëtares shqiptare, Lorik Cana, shkruan ‘Supersport’.

Regjinë e ka bërë Kreshnik Jonuzi dhe Luftar Von Rama. Ky dokumentar sjell histori të ndryshme, duke prekur aspektet kulturore, politike dhe historike, pas ndeshjes së futbollit mes Serbisë dhe Shqipërisë, përcjell albinfo.ch.

88 minuta i gjatë ‘Triumph’ përfshin intervista e momente speciale, mbi futbollistët e kombëtares shqiptare.

Ky dokumentar është shfaqur për herë të parë në Poloni, gjatë Festivalit të Filmit në Varshavë, më datat 19-21 tetor 2017.

Të ardhurat nga kjo mbrëmje do të përdoren për përfundimin e postproduksionit të filmit dhe për Fondacionin “Lorik Cana 5”.