Shkurt.ch
Diplomatja zvicerane në Iran bie nga kati i 17-të dhe vdes
Sipas burimeve të informuara, diplomatja zvicerane punonte në departamentin që përfaqëson interesat diplomatike të SHBA-së në Iran
Në Teheran, një punonjëse e rangut të lartë e Ambasadës Zvicerane ka vdekur pasi ka rënë në tokë nga një ndërtesë shumëkatëshe.
Ministria e Jashtme e Zvicrës flet për një aksident fatal, shkruan sda.ch.
Rrethanat e sakta të aksidentit janë ende të paqarta. Autoritetet iraniane të sigurisë janë duke zhvilluar hetimet.
“Punonjësja e rangut të lartë e ambasadës” ka rënë nga kati i 17-të i një rrokaqielli në Teheranin verior të hënën në mbrëmje dhe ka humbur jetën, është shprehur një zëdhënës i shërbimit të ndihmës iraniane për agjencinë e lajmeve Isna.
Trupi i saj u zbulua vetëm të martën nga punëtori i saj shtëpiak në kopshtin e kompleksit rezidencial në të cilin jetonte gruaja.
Njësitë e specializuara të policisë po hetojnë çështjen. Asnjë hipotezë nuk mund të përjashtohet”, përfshirë vrasjen, vetëvrasjen ose aksidentin”.
Viktima është një grua 51-vjeçare zvicerane. Departamenti i jashtëm (EDA) ka konfirmuar vdekjen e punonjëses së ambasadës, transmeton albinfo.ch.
“Ajo pati një aksident fatal të martën, shkruan EDA në një deklaratë për Keystone-SDA, pa dhënë ndonjë informacion të mëtejshëm në lidhje me incidentin.
Ministri i Jashtëm i Zvicrës, Ignazio Cassis është shprehur “i tronditur nga vdekja tragjike”. Ai i shpreh ngushëllimet familjes. EDA është në kontakt me familjen e punonjësit, thonë në ministri. Ambasada zvicerane është gjithashtu në kontakt me autoritetet lokale.
Agjencitë gjysmë zyrtare iraniane të lajmeve Isna dhe Ilna kanë raportuar se gruaja e vdekur ishte sekretarja e parë e ambasadës zvicerane, përcjell albinfo.ch. Sipas burimeve të informuara, diplomatja punonte në departamentin që përfaqëson interesat diplomatike të SHBA-së në Iran.
Shtetet e Bashkuara dhe Irani kanë prishur marrëdhëniet menjëherë pas Revolucionit Islamik në vitin 1979. Zvicra është shteti që përfaqëson interesat diplomatike të SHBA në Iran.
Të ngjashme
Të tjera nga Shkurt.ch
E-Diaspora
-
Artistja shqiptare, pjesë e filmit hollivudian, flet shqip Këngëtarja shqiptare, Bleona Qereti, e cila ka kohë që ka vendosur të jetojë dhe të punojë...
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
5 monumente të reja në Europë në nder të Heroit Kombëtar
-
Mërgimtaren Fikrije Salihun e rikthen profesioni në atdhe, pas 30 vjetësh
-
Kosovari para gjyqit, ka sulmuar çiftin homoseksual
Jeta në Austri
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë” Siç e dini, “Kikiriki-shqip me fëmijë” është emision gjithëpërfshirës në gjuhën amtarë, ku fëmijët shqiptarë nga...
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri
-
Dëmet e aksidenteve rrugore arrijnë në miliarda në Austrinë e Epërme
-
Kancelari austriak me thirrje për testime më të shpeshta të ADN-së, për të verifikuar lidhjet familjare