Futboll

Dion Berisha zyrtarizohet në Bayern Munich

E enjte, 1 Qershor 2023 - 16:45 albinfo.ch

FC Bayern ka nënshkruar kontratë me futbollistin e kombëtarës së Kosovës U21, Dion Berisha.

Ishte vetë klubi bavarez që e konfirmoi këtë lajm përmes rrjeteve sociale.

“Dioni është talent ambicioz dhe ka punuar me përkushtim të madh te ekipi i Augsburgut. Ai ka fituar tashmë përvojë në ligën rajonale dhe ne jemi shumë të kënaqur që ai tani dëshiron t’i kapë majat në të ardhmen në futbollin profesionist”, tha drejtori sportiv i Bayern Munich Campus, Halil Altintop.

Dion Berisha pati debutuar me kombëtaren e Kosovës U15 në vitin 2018, ndërsa deri më tani ishte pjesë e skuadrës së Augsburgut U19.