Lajme
Dikush pagoi 28 milionë dollarë për ‘vendin e lirë’ në fluturimin hapësinor me Jeff Bezos
Blue Origin e Jeff Bezos tanimë ka shitur “vendin e veçantë” të raketës hapësinore të kompanisë, e cila pritet të lansohet më 20 korrik për 28 milionë dollarë.
Sipas mediave të huaja, me 20 ofertues aktivë që filluan me 4.8 milionë dollarë gjatë ankandit prej 10 minutash, ofertat u përshkallëzuan në tre minutat e fundit të shitjes.
Fillimisht, rreth 7,600 njerëz u regjistruan për të bërë oferta nga 159 vende, citohet të ketë thënë kompania, përcjell Telegrafi.
Fituesi, identiteti i të cilit nuk është njoftuar, do të bashkohet me themeluesin e Amazon, Jeff Bezos dhe vëllain e tij Mark në fluturim.
Fluturimi i automatizuar prej 11 minutash – i 16-ti i kompanisë, por që transporton për herë të parë njerëz – do të ngrihet nga Van Horn, Texas.
Kapsula do të mbajë deri në gjashtë pasagjerë, megjithëse kompania nuk ka zbuluar ende se kush tjetër do të jetë në bord.
Javën e kaluar, Bezos, i cili do të largohet nga posti i shefit ekzekutiv të Amazon, 15 ditë para fluturimit, postoi në Instagram: “Që kur isha pesë vjeç, kam ëndërruar të udhëtoj në hapësirë. Më 20 korrik, unë do të bëj atë udhëtim me vëllain tim. Aventura më e madhe, me shokun tim më të mirë”.
Udhëtimi vjen në mes të konkurrencës në rritje midis disa prej njerëzve më të pasur në botë.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?