E-Diaspora
Diaspora, thesari i shpërdoruar i Kosovës
Çdo i treti kosovar jeton jashtë Kosovës, dhe çdo i dhjeti jeton ne Zvicër. Diaspora kosovare ngërthen kapacitete financiare, por edhe mundësi serioze të transferit të dijes (veçanërisht atij menaxhues) në Kosovë dhe të krijimit të lidhjeve të çmueshme profesionale me vendet perëndimore. Mirëpo, i vetmi dimension që duket të ketë funksionuar mes diasporës dhe vendlindjes ka qenë shfrytëzimi i remitencave për konsumim dhe (ri)ndërtim.
Potenciali i Diasporës dhe zhvillimit të Kosovës në fazën e shtetndërtimit të saj është i stërfolur, por në krahasim me atë që ka mundur të arrihet, rezultatet janë më se modeste. Evenimentet, konferencat, tribunat, retorika entuziaste e përgjegjësve politikë, takimet më të ndryshme të nivelit të lartë, theksojnë sistematikisht rëndësinë e diasporës, por pas tyre, nuk del gjë në dritë. Përkundrazi, logjika e mjeljes së diasporës vazhdon, sikurse është shembulli shumë irritues i kartonëve të gjelbër, për të cilin është folur aq shumë. Madje sërish u përfol se këtë vit mund të pezullohen, por vështirë mund t`i besohet kësaj kur dihet se kush qëndron prapa kompanive të sigurimeve që përfitojnë nga ky haraç.
Mërgata nuk motivohet me masa kozmetike. Ajo duhet të trajtohet si një prioritet shtetëror për zhvillimin e Kosovës, sikurse kanë qenë ndërtimi i rrugëve të Kosovës dhe kostoja e tyre faraonike në raport me cilësinë e ulët. Rezultatet e potencialit të diasporës dalin në shesh kur ajo të trajtohet si resurs strategjik, me masa konsekuente për ta motivuar atë dhe për t’ia siguruar kapitalin në vend. Tani për tani kjo nuk po ndodh. Kosova që me vite po e lëshon një atu serioz zhvillimi. Kjo është mëkat sepse imazhi i degraduar veç sa e shton largimin e investuesve potencialë nga diaspora.
Në këtë numër kemi sjellë në dije të lexuesve disa shembuj të investimeve që dëshmojnë se diaspora mund t`i sjellë shumë Kosovës. Na mbetet të shpresojmë se edhe shembuj tjerë do të pasojnë dhe se qeverisja vendëse më në fund do të vetëdijesohet për këtë thesar.
E-Diaspora
-
Osmani: Mërgata, urë lidhëse mes Kosovës e Zvicrës Presidentja e Kosovës, Vjosa Osmani, ka pritur në takim ndihmës sekretaren e shtetit dhe shefen e...
-
Floriani 10 vjeçar bën selfie me Xhakën, i kushtoi babait të tij 2600 franga
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
Jeta në Austri
-
Austri: Përmbledhje e lajmeve të fundit të ditës së sotme Innsbruck me kryebashkiak të ri, SPÖ e qendrës së majtë zbulon planin për të financuar propozimin...
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja