Diaspora shqiptare në Argjentinë, tradita që ruhet brez pas brezi

Komuniteti “Bashkimi” në Berisso sjell në skenë kulturën shqiptare në Festivalin e 47-të të Emigracionit

Diaspora shqiptare në Argjentinë vazhdon të mbajë gjallë gjuhën, kulturën dhe traditat kombëtare edhe mijëra kilometra larg atdheut, transmeton albinfo.ch.

Në qytetin Berisso, në provincën Buenos Aires – i njohur si Kryeqyteti i Emigracionit – komuniteti shqiptar “Bashkimi” ka prezantuar një program të veçantë kulturor në kuadër të Festivalit të 47-të të Emigracionit, 2024.

Në këtë paraqitje, shqiptarët e Berissos sollën në skenë traditën, kujtesën dhe shpirtin e një populli që nuk harron rrënjët e veta, duke dëshmuar edhe një herë lidhjen e fortë me identitetin kombëtar.

Ky moment i veçantë është realizuar nga Mihal Ciko dhe u transmetua të martën në Albania TV, në ora 19:00./Albinfo.ch

---