Diaspora, pikë strategjike e legjislative turke

Votat e turqve të diasporës, sidomos e atyre të Zvicrës, do të jenë vendimtare më 7 qershor

KEYSTONE

Sondazhet tregojnë hapur: Zgjedhjet legjislative të 7 qershorit në Turqi do të kryhen në mënyrë të hapur. Deri në atë pikë sa Partia e Drejtësisë dhe e Zhvillimit (AKP) e presidentit Recep Tayyip Erdogan mund të detyrohet të formojë një koalicion për të qëndruar në fuqi. Është hera e parë që diçka e tillë ndodh këtu edhe 13 vjet që ai drejton vendin, i vetëm, edhe duke pasur gjithmonë maksimumin e votave.

Në këtë kontekst, çdo votë do të jetë e vlefshme në mbrëmjen e zgjedhjeve, përfshirë edhe ato të qytetarëve në moshë për të votuar të diasporës (mbi 4 milionë persona, ndër të cilët 2 milionë ndodhen në Gjermani), të cilëve e drejta e votimit iu është dhënë për herën e parë vitin e kaluar me rastin e zgjedhjes së presidentit të Republikës në votimin e përgjithshëm. Këto zgjedhje ishin fituar me lehtësi të madhe nga Erdogani.

Veçantia zvicerane

Sipas Konsullatës turke në Gjenevë, diaspora e Zvicrës numëron 100.000 persona, ndër të cilët 10.000 kanë të drejtë të votojnë në Zvicrën frëngjisht –folëse. Kutitë e votave (në ambasadën e Bernit, në konsullatën e Gjenevës dhe asaj të Zyrihut) janë hapur më 8 maj dhe do të qëndrojnë të hapura deri më datën 31 maj.

“Veçantia e diasporës zvicerane është se 70% e saj formohet nga kurdët”, thotë Ihsan Kurt, këshilltar socialist i Komunës Prilly, me origjinë kurde.

Për këtë të pasionuar pas politikës dhe tepër aktiv në diasporë, “është e mundur që AKP-ja të detyrohet të bashkohet në mbrëmjen e votimeve me të djathtën ekstreme nacionaliste të MHP (“ujqërit gri”) për të qëndruar në fuqi, por nuk përjashtohet edhe mundësia që kjo parti të kalojë plotësisht në opozitë.

Për këtë Partia Republikane e Popullit (CHP, social-demokrate) duhet të realizojë një rezultat të mirë dhe që aleanca e saj potenciale, Partia Demokratike e Popullit (HDP, prokurde) të tejkalojë 10% të votave të duhura për të hyrë në parlament”.

Erdogani, në Gjermani

I vetëdijshëm për rëndësinë që kanë votat e diasporës (2,5% e elektoratit), presidenti Erdogan – që në parim mban neutralitetin sipas Kushtetutës – nuk ka hezituar të thërrasë të gjithë zgjedhësit e diasporës. Ai po ashtu mbajti një miting në Karlsruhe më 10 maj. “Provë e ankthit të tij”, përfundoi Ihsan Kurti.