Diaspora akademike dhe UP-ja forcojnë lidhjet shkencore

Bashkëpunimi UP–Diaspora me potencial të madh për arsimin dhe inovacionin

Pa dyshim se diaspora jonë shkencore përfaqëson një potencial të madh intelektual dhe profesional, i cili mund të kontribuojë drejtpërdrejt në ndërkombëtarizimin e arsimit të lartë dhe në avancimin e kërkimit dhe inovacionit në Kosovë, transmeton albinfo.ch.

Në kuadër të forumit “Bashkë në Shkencë: Universiteti i Prishtinës dhe Diaspora Akademike”, u diskutua për mënyrat konkrete të thellimit të bashkëpunimit mes institucioneve vendore dhe komunitetit akademik ndërkombëtar.

Universiteti i Prishtinës, për vite me radhë, është veçuar për përkushtimin dhe angazhimin e tij në lidhjen e diasporës shkencore me vendin, duke krijuar mundësi të reja për bashkëpunim dhe ndërlidhje me Kosovën.

“Diaspora shkencore e Kosovës përfaqëson një potencial të madh për arsimin e lartë dhe kërkimin. Në forumin “Bashkë në Shkencë”, u diskutua thellimi i bashkëpunimit mes Universitetit të Prishtinës dhe komunitetit akademik ndërkombëtar, duke krijuar mundësi të reja angazhimi dhe lidhjeje me vendin”, është shprehur Liza Gashi.

---