E-Diaspora
Dhjetë vjet të suksesshme të KF Shqiponja
„Fillimi i mbarë është gjysma e punës“, thotë një fjalë e urtë popullore. E nëse shtojmë këtu edhe vullnetin e madh për t`i prirë punës, atëherë kemi një një klub futbollistik me emrin “Shqiponja“
Javën e kaluar, në ambientet luksoze të sponzorit kryesor SAM Group, ishin mbledhur persona të shumtë, të cilët kishin dhënë, apo vazhdojnë të japin kontributin e tyre për “KF Shqiponja” nga Langenthali. 10-vjetori i themelimit të klubit ishte arsye e madhe e takimit të të gjithë kontribuesve. Pra, ishte një ditë feste.
Festën e shpalli të hapur njëri ndër kontribuesit e parë, Veton Dizdari, i cili iu gjend klubit gjatë tërë etapave të zhvillimit, qoftë si anëtar kryesie, president i klubit, e trajner.
Për të folur rreth ecurisë së klubit në dekadën e parë të ekzistimit, fjala iu dha Berat Ajredinit, i cili së bashku me Murat Lenën kishin marrë iniciativën që në Langenthal të Kantonit të Bernës, në tetor të vitit 2009, të vinin themelet e një klubi futbollistik shqiptar në këtë rajon.
Duke dhënë fillimisht një historik të emigrimit të shqiptarëve në këtë rajon, Berati theksoi se rritja e familjeve shqiptare, me anë të bashkimeve familjare, bëri që edhe nevoja për një klub futbollistik shqiptar të rritet. Ishte pikërisht fundi i tetorit 2009, kur me ndihmën e shumë bashkatdhetarëve u mbajt kuvendi themelues i “KF Shqiponja” në Langenthal.
Duke qenë se të pranishëm ishim shumë nga ish-lojtarët, apo edhe ata që kishin kontribuar në mbarëvajtjen e Shqiponjës, kryesia, me këtë rast, ndau Mirënjohje për shumë sportdashës, që kishin ndihmuar KF Shqiponjën.
Klubi futbollistik Shqiponja garat i filloi nga rangu më i ulët në Zvicër, pra në Ligën e 5 rajonale, ku me lojëra të mira dhe një disiplinë për lakmi, brenda dy vjetësh ia doli të ngjitet në Ligën e 3 rajonale, gjendje të cilët e ruan edhe sot, e ku zakonisht përfundon në pjesën e epërme të tabelës.
Sezoni vjeshtor klubin nga Langenthali e gjeti në vendin e dytë, duke rritur kështu ambicjet e klubit për një ngritje në një nivel më të lartë, siç është Liga e Dytë rajonale.
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri