Detaje të reja rreth sulmeve në Gjermani, 11 persona të vdekur

"Një skenar i vërtetë tmerri"

Në mbrëmjen e së mërkurës, njëmbëdhjetë persona u vranë në një shkëmbim zjarri në Hanau, Hesse. Pesë të tjerë u plagosën rëndë. Policia konfirmoi se të shtënat e para janë shkrepur në një shisha bar në Hanau-Mitte dhe menjëherë pas kësaj autori i krimit vazhdoi të shtënat në një lokal tjetër nate, në rrethin Kesselstadt, transmeton albinfo.ch.

Policia gjermane njoftoi se i dyshuari më pas u gjet i vdekur gjatë natës në banesën e tij. Ende nuk dihet nacionaliteti i sulmuesit. Po ashtu, sipas informaioneve thuhet se forcat special gjermane kishin zbuluar edhe një trup tjetër në një apartamentin e dorasit. Aty, hetuesit gjetën gjithashtu një letër rrëfimi dhe një video. Deri më tani, sipas policisë, nuk ka asnjë indikacion të autorëve të tjerë, shkruan RTL.de.

Shkëmbimi i zjarrit filloi rreth orës 10 pasdite në një shisha bar në qendër të qytetit Hanau. Sipas policisë, autori i krimit thuhet se ka vrarë tre persona në këtë vend. Pas kësaj, të shtënat e rradhës janë shkrepur në një shisha bar tjetër në rrethin Kesselstadt.

Banorët që ishin afër vendit të këtyre sulmeve janë të tmerruar, dhe e quajn se e gjitha ishte sikurse në filma.

“Një skenar i vërtetë tmerri për të gjithë ne” u shprehen ata.

“Ushtim e paimagjinueshme e plumbave, sikurse në një film, gjithçka ndodhi shpejtë, kishte njerëz kudo. Të gjithë ishin të tronditur”, tha Can-Luca Fresenna.

Ai konfirmon se midis të vdekurve ka dy punonjës të Kiok-ut. Një burrë u qëllua gjithashtu në makinë para dyqanit, tha ai.

Me ndihmën e dëshmitarëve, policia ishte në gjendje të identifikonte autorin e dyshuar përmes targës. SEK më pas rrethoi banesën e tij. Atje gjetën të pandehur autorin e pretenduar. Në apartament ishte edhe një trup tjetër.

Nga ana tjetër anëtarja e Bundestag për zonën elektorale të Hanau, Katja Leikert (CDU)  shkruajti në twiter se “Kjo ishte një natë e tmerrshme në Hanau, u uroj të afërmve të të vdekurve shumë forcë dhe ngushëllime […] është një skenar i vërtetë tmerri për të gjithë ne”.

In dieser fürchterlichen Nacht in #Hanau wünsche ich den Angehörigen der Getöteten viel Kraft und herzliches Beileid. Den Verletzten eine hoffentlich schnelle Genesung. Es ist ein echtes Horrorszenario für uns alle.
Danke an alle Einsatzkräfte!!

— Katja Leikert (@KLeikert) February 20, 2020

Një numër i madh i policisë janë vendosur në qytet dhe skenat e krimit janë kordonuar.

Kujtojmë se Hanau ka një popullsi prej rreth 100,000 banorve dhe gjendet 25 kilometra në lindje të Frankfurtit. /Albinfo.ch.

---