Detaje nga miratimi i Ligjit për punë në Gjermani, nis nga 1 janari i vitit 2020

Gjermania ka nevojë për specialistë nga vendet e treta, për të siguruar prosperitetin e saj

Kabineti i kancelares Angela Merkel miratoi të mërkurën ligjet e reja të emigracionit për ta bërë më të lehtë për të huajt me kualifikime të ulëta të kërkojnë punë në Gjermani.

Kjo kishte zgjuar shumë reagime në Gjermani, megjithatë është miratuar, shkruan albinfo.ch.

Drafti për Ligjin e Imigracionit parashikon uljen e pengesave për punëtorët e kualifikuar nga jashtë BE, në mënyrë që më shumë punëtorë të huaj të aftë të mund të vijnë në Gjermani. Deri më tani, politika gjermane e imigracionit është fokusuar vetëm tek profesionistët me trajnime akademike, raporton “DW” në gjuhën gjermane.

Kështu tolerohen të huajt që sigurojnë jetesën e tyre dhe të jenë të integruar në shoqërinë gjermane, të sigurojnë një qëndrim prej 30 muajve.

Një nga kërkesat është se ata të punojnë të paktën deri në 18 muaj me orar të plotë.

Skema fillimisht është e kufizuar deri më 30 qershor 2022. Të dy ligjet duhet të hyjnë në fuqi më 1 janar 2020. Më parë, ata ende duhet të kalojnë nëpër Bundestag dhe Bundesrat, shkruan tutje albinfo.ch.

Gjermania ka nevojë për specialistë nga vendet e treta, për të siguruar prosperitetin e saj, tha ministri i Brendshëm Federal, Horst Seehofer pas vendimit të Kabinetit në Berlin.

Ministri i Ekonomisë, Peter Altmaier (CDU) shtoi se ligji ishte me interes kombëtar, ekonomik, social dhe individual. Fakti që qeveria po lë një debat dhjetëvjeçar mbi një ligj imigracioni pas tij është “një tregues i aftësisë së koalicionit të madh për të vepruar”.

---