Integrimi
Deputetja zvicerane viziton shkollën shqipe në Uster (ZH)
“Organizimin e mësimit në gjuhën amtare unë e vlerësoj lart, është një punë shumë e mirë”- tha në mes tjerash deputetja e Parlamentit zviceran znj. Priska Seiler – Graf
Të enjten, më 19 nëntor 2020, Shkolla Shqipe në Uster kishte dy mysafirë të nderuar: deputeten e Parlamentit të Konfederatës Zvicerane znj. Priska Seiler – Graf dhe këshilltarin komunal z. Kushtrim Aziri. Ata vizituan klasën e mësimit plotësues në gjuhën shqipe të mësuesit Vaxhid Sejdiu, thuhet në një njoftim për shjtyp, të Shkollës Shqipe të Zvicrës.
Nxënësit e grupit të parë patën rastin të njihen me deputeten zvicerane dhe natyrisht t`i dëgjojnë edhe këshillat e saj, se sa e rëndësishme është të mësojnë gjuhën amtare.
E impresionuar nga nxënësit të cilët edhe pse të vegjël e pritën dhe e përcollën me buzëqeshje duke qenë aktiv gjatë orës mësimore znj. Priska Seiler – Graf, ju premtoi që në të ardhmen do t`i vizitojë përsëri.
Në fjalën e saj, ajo i përgëzoi nxënësit për angazhimin e tyre në orët mësimore për ta mësuar edhe gjuhën amtare edhe pse ata gjatë tërë javës janë të angazhuar në mësimin e rregullt në gjuhën e vendit. Dhe kjo po më pëlqen – tha ajo, veçanërisht, po më pëlqen qëndrimi i prindërve tuaj, për t`iu dërguar në mësim për ta mësuar gjuhën amtare. Këtë duhet ta vlerësojmë lart. Gjuha amtare është shumë e rëndësishme sepse ndihmon edhe mësimin e gjuhës së vendit, por edhe të gjuhëve të tjera.
Mësuesi Vaxhid Sejdiu, njoftoi deputeten znj. Seiler – Graf, për organizimin e Shkollave Shqipe në Zvicër, me theks të veçantë në Kantonin e Cyrihut, si dhe bashkëpunimin me Drejtorinë Arsimore të Kantonit të Cyrihut dhe mbi të gjitha bashkëpunimin e ngushtë me Drejtoritë e Shkollave Zvicerane, edhe të kantoneve tjera.
Ai, po ashtu theksoi se vetëm gjatë një viti janë hapur 42 shkolla, në të cilat ndjekin mësimet në gjuhën amtare 629 nxënës shqiptarë. Ky sukses nuk do të ishte kështu siç është pa mbështetjen e madhe të Drejtorive të Shkollave Zvicerane, të cilat në vazhdimësi na ndihmojnë në organizmin sa më të mirë të shkollave shqipe, përfundon njoftimi.
Dhe në fund, një foto e përbashkët në shenjë falënderimi për mikpritjen, (nga e majta në të djathtë) z. Kushtrim Aziri, znj. Priska Seiler – Graf dhe mësuesi i gjuhës shqipe z. Vaxhid Sejdiu
(Shkolla shqipe Zvicër, Sektori për informim)
Të ngjashme
Të tjera nga Integrimi
E-Diaspora
-
Avokati kërkon lirimin e menjëhershëm të shqiptarit të akuzuar për vrasje të dyfishtë Ai mbështetet në rrëfimin e autorit E.B., i cili tashmë është dënuar për këtë rast, një ditë...
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
Jeta në Austri
-
Bora zbardh Austrinë Austria sot është mbuluar nga bora. Mediat raportojnë se në vendet malore, reshjet kanë qenë më...
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa